Sveçla pret në takim ambasadorin Hovenier, bisedojnë për situatën e sigurisë

17:51 | 1 Gusht 2023
E.G

Ministri i Punëve të Brendshme, Xhelal Sveçla ka pritur në takim ambasadorin e Shteteve të Bashkuara të Amerikës, Jeffrey Hovenier.

Në këtë takim është biseduar për situatën e përgjithshme të sigurisë, projekteve e që kemi në proces me Shtetet e Bashkuara të Amerikës si dhe për angazhimet e mëtutjeshme në fushat që janë në interes të të dyja palëve, bën të ditur ministria, shkruan Arbresh.info.

“Pas nënshkrimit dhe pranimit zyrtarisht donacionit prej 250 kamerave trupore nga Ambasada Amerikane për Policinë e Kosovës, pata rastin të falënderoj përzemërsisht Ambasadorin Hovenier për mbështetjen e vazhdueshme për institucionet e Republikës së Kosovës.”, thuhet në njoftimin e ministrisë./Arbresh.info.