Superkompjuteri zbulon formacionin më të dobët të sezonit në Ligën Premier – shumë yje pjesë e tij

11:03 | 14 Janar 2021

Të dhënat e superkompjuterit kanë zbuluar se Pierre-Emerick Aubameyang i Arsenalit është lojtari me paraqitjet më të dobëta në Ligën Premier këtë sezon – pak përpara Sadio Mane të Liverpool.

Kapiteni i Topçinjve ka pranuar se ai “po lufton shumë” këtë sezon dhe statistikat e thonë këtë, pasi ai ka shënuar vetëm tre gola në 15 ndeshje në kampionat. Sidoqoftë mund të habisë shumë të shohin Mane në vendin e dytë.

Të dhënat janë marrë nga superkompjuteri i Fantasy5, raportuar në The Sun, i cili përdor një algoritëm të bazuar në statistika, duke matur pikët e secilit lojtar përkundrejt rezultateve të tyre të pritshme.

Aubameyang është shumë larg standardit të tij të zakonshëm, duke dështuar në objektivin e tij të performancës javore me një mesatare prej 4.1 pikësh çdo javë.

Mane është i radhës, mesatarisht 3.0 pikë nën shënjestrën e tij javore, ndërsa shoku i tij i ekipit Trent Alexander-Arnold gjithashtu po performon dobët me 2.8 pikë më poshtë.

Mbrojtësi i djathtë i Liverpoolit po lufton për të arritur numrat e pabesueshëm të sezonit të kaluar, ku ai shënoi katër gola në kampionat dhe bëri 13 asistime.

Sulmuesi i Manchester Unitedit, Mason Greenwood është gjithashtu me 2.8 pikë nën mesataren e tij të pritur këtë sezon, pasi shënoi vetëm një herë në 11 paraqitje.

Më poshtë keni formacionin me lojtarët me paraqitjet më të dobëta këtë sezon në Ligën Premier:

Shpërndaje në rrjete sociale

Lajmet më të lexuara