Përballja me krizën energjetike që nisi pas fillimit të luftës në Ukrainë, detyrojë Qeverinë e Kosovës, që të marr masa që sado pak t’iu dalë në ndihmë qytetarëve të Kosovës.

Por, edhe pas rënies së temperaturave është vënë në theks edhe një herë subvencionimin për energji dhe pajisje elektrike shtëpiake nga Ministria e Ekonomisë, e që prishtinasve po ju duket e leverdishme kjo.

Përkundër që tashmë është i hapur aplikimi për subvencionim qytetarët thonë se ende nuk e kanë shfrytëzuar këtë të drejtë, mirëpo presin ta bëjnë gjatë ditëve në vijim.

Një qytetar nga Prishtina për ‘Arbresh.info’, tha se, “subvencionimi për energji edhe pajisje elektrike shtëpiake është i mirë dhe ju del  në ndihmë shumë qytetarëve që nuk kanë mundësi ekonomike. Unë nuk kam aplikuar, por shumë shpejt do ta bëjë këtë pasi të nisin të vijnë faturat edhe e kam në plan me i ble”, tha ai.

Ndërsa disa qytetarë të tjerë thonë se kanë njohuri sesi aplikohet për subvencionim, i cili do të jetë i hapur deri në fund të nëntorit të këtij viti./Arbresh.info/