Stojanoviq: Serbët s’mund të kenë të mira nga formimi i ushtrisë së Kosovës

10:31 | 7 Prill 2017
Arbresh.info

Zëvendëskryeministri në Qeverinë e Kosovës, Branimir Stojanoviq ka marrë pjesë sot në Konferencën për Perspektivën e Forcave të Sigurisë së Kosovës në të cilën ishin të pranishëm edhe presidenti i Kosovës, Hashim Thaçi e ambasadori amerikan Greg Delawie.

Stojanoviq tha me këtë rast se problemi kryesor mes shqiptarëve dhe serbëve është mospajtimi, shkruan arbresh.info.

Ai shtoi se Forca e Sigurisë së Kosovës nuk do të sillte të mira për serbët.

“Nëse dikush mundohet se FSK-ja të thotë se është strukturë shumë etnike dhe që ndikon në rritjen e punësimit, kjo nuk qëndron. Edhe nëse bëhet ky transformim, cilësia e jetës nuk do të përmirëoshet shumë por do të kemi çështje për të cilat nuk do të pajtohemi. Problem i mospajtimi shqiptaro-serb është shumë i madh dhe goxha i vjetër”, tha Stojanoviq./Arbresh.info.