Mungesa e të akuzuarit për 5 euro ryshfet, Ardian Alushaj, u bë shkak i shtyrjes së shqyrtimit fillestar ndaj tij, i paraparë të mbahej të premten.

Kryetari i trupit gjykues, Burim Ademi, bëri të ditur se i pandehuri Alushaj nuk e ka pranuar personalisht ftesën, por një familjar i tij. I njëjti shtoi se nga shkresat e lëndës vërtetohet se i akuzuari gjendet jashtë vendit.

Seanca në fjalë u shty për një datë të pacaktuar.

Sipas aktakuzës, Alushaj me 19 korrik 2016, rreth orës 00:20, përderisa kishte qenë duke drejtuar motoçikletën e tij, ishte ndalur nga personi zyrtar, Bedri Ferati. Në këtë rast, i pandehuri nuk e kishte pasur në rregull dokumentacionin e motoçikletës. Prandaj, në mënyrë që personi zyrtar mos të vazhdojë procedurat ndaj tij, i pandehuri i kishte ofruar të njëjtit kartë monedhën në vlerë prej 5 euro./http://BetimipërDrejtpërdrejtës