Shtatë persona janë përfshirë në dy raste të rrahjeve në Prizren.

Dy persona kanë kërkuar trajtim mjekësor, derisa njëri prej tyre po trajtohet në spitalin e Prizrenit.

Për këto dy raste, Policia e Kosovës ka arrestuar katër persona, shkruan arbresh.info.

Raport i policisë:

Rr. Mark Kaqinari, Prizren, 22.06.2021-12:45.  Është raportuar se tre të dyshuarit meshkuj kosovarë pas një mosmarrëveshje janë rrahur mes veti dhe si pasoj njëri prej tyre ka pësuar lëndime trupore dhe i është ofruar tretman mjekësor.  Të njëjtit  janë intervistuar dhe me vendim të prokurorit dy prej tyre janë arrestuar dhe dërguar në mbajtje   ndërsa i dyshuari tjetër ( i lënduari ) është liruar. Rasti vazhdon të hetohet.

Rr. Jusuf Gërvalla, Prizren, 22.06.2021-13:40.  Janë arrestuar tre të dyshuarit meshkuj kosovarë, pasi që të njëjtit pas një mosmarrëveshje e kanë sulmuar fizikisht viktimën mashkull kosovar. Viktima është duke u trajtuar në spitalin e Prizrenit ndërsa të dyshuarit janë intervistuar dhe me vendim të prokurorit dy prej tyre janë dërguar në mbajtje ndërsa i dyshuari tjetër është liruar . Rasti është duke u hetuar./arbresh.info/