Sherr për pronë në Ferizaj, tre të lënduar – policia sekuestron armë zjarri

08:49 | 19 Prill 2026
H.E

Tre persona janë përfshirë në një konflikt fizik në Doganaj të Ferizajt pas një mosmarrëveshjeje verbale lidhur me një pronë.

Sipas raportit të PK, si pasojë e përleshjes, tre të dyshuarit kanë pësuar lëndime trupore dhe kanë pranuar trajtim mjekësor.

Gjatë kontrollit në shtëpinë e njërit prej të dyshuarve, policia ka gjetur dhe konfiskuar një pistoletë me 15 fishekë.

“Doganaj, Ferizaj / 18.04.2026 – 07:30. Pas një mosmarrëveshje verbale dyshohet rreth një prone, janë rrahur mes veti tre të dyshuarit meshkuj kosovarë, ku si pasoj kanë pësuar lëndime trupore. Tre të dyshauarit kanë pranuar tretman mjekësor, më pastaj janë intervistuar. Gjatë kontrollit në shtëpinë e njërit të dyshuar është gjetur dhe konfiskuar një pistoletë me 15 fishekë. Me vendim të prokurorit, rasti shkon në procedurë të rregullt”, thuhet në raportin 24 orësh të PK./Arbresh.info