Brenda kabinetit të Avdullah Hotit po zhvillohen përplasje të njëpasnjëshme.

Ministri i Drejtësisë, Selim Selimi, ka përsëritur se çarjet brenda koalicionit qeverisës nisën kur Hoti nuk e mori atë, si përfaqësues të AAK’së, në takimin me presidentin serb, Aleksander Vuciqin në Bruksel. Më pas, sipas Selimit, Hoti krye në vete e caktoi Skender Hysenin koordinator për dialogun me Serbinë.

Por, sot gjatë ditës shefja e stafit të kryeministrit, Avdullah Hoti, Ardita Dushi e cila edhe ishte në bisedimet në Bruksel ka bërë publike një fotografi tek shihet shefi i qeverisë bashkë me Selim Selimin, të dërguarin e AAK-së, për procesin e dialogut, raporton Arbresh.info.

“3 orë përgatitje dhe dakordime mbi parimet

Bruksel 16.07.2020”, ka shkruan Dushi në Facebook.

Dushi ka lënë të nënkuptohet se nuk është se shefi i qeverisë nuk është dakorduar për procesin e dialogut me partnerët e koalicionit bile në foto shihet edhe zëvendëskryeministrja, Albulena Balaj-Halimaj, shkruan Arbresh.info.

Kujtojmë, që kryeministri, Avdullah Hoti po kritikohet nga partnerët e koalicionit se procesi i dialogut Kosovë-Serbi po rrëshet në proces teknik dhe sipas tyre pa parime./Arbresh.info/

https://www.facebook.com/arditaaa.dushi/posts/3068949336555357

Edhe vet kryetari i AAK-së, Ramush Haradinaj, ka kritikuar mospërfilljen dhe shmangien që Hoti i kishte bërë ministrit të Drejtësisë Selim Selimi në takimin e Brukselit me presidentin serb Aleksander Vuçiq.

“Ja kam thënë zyrtarisht i kam dërguar edhe shkresë ku i kemi vërejtjet, nuk ka pasur arsye me marrë shefen e kabinetit të tij përball takimit me Aleksander Vuciqit që tash e ka përvojën e parë e me lënë jashtë takimit Selim Selimi”, ishte deklarata e Haradinajt./Arbresh.info/