Me rastin e Ditës së Gruas, Kuvendi i Kosovës ka organizuar sot seancë të veçantë, kushtuar ngritjes së vetëdijes së shoqërisë për të mbijetuarat e dhunës seksuale gjatë luftës së fundit në Kosovë.

Në emër të grupit parlamentar të Lëvizjes Vetëvendosje ka folur deputetja Saranda Bogujevci e cila ka kërkuar që 14 Prilli të bëhet datë kur kujtohen të gjitha viktimat e dhunës seksuale.

“Sot po flasim për dhunimet që janë kryer nga forcat serbe ndaj shqiptarë. Por çka dallon është se sot këtu kemi vet Vasfije Krasniqi-Goodman. Edhe ne si institucione u bëmë njëfarë armiku i tyre – kjo për arsye se nuk u bëmë zëri i tyre tërë këto vite”.

“Dalja publike e Vasfijes ka qenë një moment shumë i rëndësishëm për vendin tonë. Fillojë të dalë në pah mospërkrahja dhe mospuna e institucioneve ndaj nevojave të tyre elementare. Çështja e drejtësisë është kyçe për të mbijetuarat e dhunës seksuale”.

“Kam një kërkesë – kjo është në fakt nga kërkesa që ka ardhur në Kuvend gjatë mandatit të kaluar. Data 14 prill – data kur është përdhunuar Vasfija – të jetë kjo datë kur i kujtojmë të gjitha viktimat e dhunës seksuale në Kosovë”.

“Propozimi ynë është që kjo të diskutohet në mbledhjen e radhës. Muaji prill është një ndër muajt kur më së shumti ka pasur dhunime”.

https://www.facebook.com/arbresh.info/videos/1078197259240003/