Ministri i Arsimit dhe Shkencës, Ramë Likaj u ka bërë thirrje nxënësve, prindërve, mësimëdhënësve dhe stafit të shkollave që të respektojnë masat anti-Covid.

Likaj përmes një postimi në rrjetin social ‘Facebook’ ka thënë se asnjë skenar tjetër nuk e zëvendëson pjesëmarrjen në shkollë, transmeton arbresh.info

Postimi i tij i plotë:

Rastet me COVID-19 po rriten përditë!
Ju bëjmë thirrje nxënësve, prindërve, mësimdhënësve dhe stafit të shkollave, që të respektojnë me përpikëri masat e rekomanduara nga MSh dhe IKShPK.
Asnjë skenar tjetër nuk e zëvendëson pjesëmarrjen në shkollë. Prandaj, të punojmë të gjithë së bashku që të mbajmë në jetë skenarin A (mësim me pjesëmarrje në shkollë).
Falënderoj të gjithë nxënësit, prindërit, mësimdhënësit, taskforcat, DKA-të, Kolegjiumin e DKA-ve, Asociacionin e Komunave, Ministrinë e Shëndetësisë, IKShPK, Policinë e Kosovës, SBAShK-un, inspektoratet përkatëse dhe të gjithë që po na ndihmojnë që ta kalojmë sa më lehtë këtë situatë pandemike.
#MaskëHigjienëDistanë
#ArsimimNëShkollë