Rreth 10 km katrorë të mbuluara me mbeturina në Kosovë

20:00 | 22 Prill 2015
M. A.

Dita ndërkombëtare e tokës e ka gjetur Kosovën të rrezikuar nga katastrofa ekologjike.

Ndërmarrjet gjigante, si Trepça, Ferronikeli, KEK-u dhe “Sharrcemi”, janë ndotësit më të mëdhenj të tokës dhe ambientit në përgjithësi.

Sipas të dhënave të Agjencisë së Statistikave të Kosovës, rreth 10 km katrorë të sipërfaqes së përgjithshme të vendit janë të mbuluara nga 25 deponi industriale, minerale, radioaktive dhe të mbeturinave.

Banorët e Dardhishtës që jetojnë fare pranë punishteve të KEK-ut, i cili për një vit përpunon 8 milionë tonë thëngjill, pohojnë që përveç drithërave, ka vite që ata nuk mbjellin perime, pasi që toka e tyre e ka humbur plleshmërinë.

Sipas doktorit të turizmit, Fitim Humolli, zënia dhe ndotja e tokës ndikon negativisht edhe në mundësitë e zhvillimit të turizmit.