Reshje të dendura atmosferike, në këto vende ka reduktime të ujit

23:54 | 26 Maj 2023
K.B

Reshjet e dendura të shiut kanë bërë që në kanalin e Ibër Lepencit të ketë turbullira të ujit.

Kështu ka bërë të ditur KRU “Prishtina”.

Si pasojë e kësaj, do të ketë reduktime të ujit në Fushë Kosovë, Kodrën e Trimave dhe Mirditë.

Ky është njoftimi i plotë i KRU “Prishtina” dhe oraret e reduktimeve:

Të nderuar konsumatorë,

Ju njoftojmë se si shkak i reshjeve të dendura atmosferike, kemi sërish ngritje të turbullirës së ujit në kanalin e Ibër Lepencit.
Impianti i Trajtimit të ujit në Shkabaj nuk ka mundësi teknike të trajtoj ujin për pije.

Si pasojë e kësaj, Fushë Kosova do të ketë reduktime të ujit të pijshëm sot nga ora 23:00 dhe do zgjasë deri në orën 06:00.

Si shkak i mungesës së ujit nga ITU Shkabaj është evidente ndikimi i mungesës së ujit të pijes edhe për konsumatorët e Kodrës së Trimave dhe Mirditës.

Kodra dhe Mirdita me ndërprerje 00:00 deri 05:00.