Ministri i Integrimit Evropian, Blerim Reka, në seancën e sotme të Kuvendit të Kosovës ku pritet të votohet mocioni për rrëzimin e Qeverisë, është sqaruar për një deklaratë të tijën, e cila siç thotë ai, ka qenë keqinterpretim.

Reka ka thënë se në vend të kompromisit për shkëmbim territorial ka theksuar se do të ishte më e pranueshme si kompromis i fundit dalja e Serbisë në detin Adriatik përmes Autostradës së Kosovës.

“Për ulësen në OKB, se a duhet të japim territor unë them se nuk ka territor për ulëse në OKB sepse sovraniteti i shtetit është i garantuar me Kushtetutën e Kosovën. Unë po citoj çfarë kam thënë: Ndoshta, mund t’i lejojmë si kompromis të fundit daljen në detin Adriatik përmes Autostradës së Kosovës, Serbisë. Në vend të kompromisit territorial ofroj kompromisin infrastrukturor”, ka thënë Reka.