Kryeministri i Kosovës. Ramush Haradinaj përmes një postimi në Facebook, mbrëmë ka njoftuar se ende është në pritje të një vendimi për vizë në amerikë.

Por, me raportimet e mediave nuk është pajtuar bashkëshortja e shefit të qeverisë kosovare, Anita Haradinaj.

Ajo i ka sulmuar mediat duke i akuzuar se po bëhen si media serbe.

“Qy qy Kryeministrit me dy pasaporta me iu refuzu visa , kur po doni po thoni Ti lehte e ke per viza, kur po doni po thoni iu refuzu, bravo bre si Tanjugu jeni bo hajde gazetari hajde”, ka shkruar ajo në facebook.

Të njejtin status e ka shpërndarë në facebookun e saj edhe këshilltarja e kryeministrit, Meliza Haradinaj.

Ndryshe vlen të theksohet se bashkëshortja e kryeministrit ushtron funksionin e moderatores në Radio Televizionin e Kosovës.