Kryetari i Komunës së Prishtinës, Përparim Rama, ka reaguar pasi Kuvendi Komunal miratoi vendimin për bartjen e të hyrave vetanake të kryeqytetit nga viti 2024 në 2025.

Përmes një postimi në Facebook, Rama tha se bëhet fjalë për 28 milionë euro.

Tutje, ai uroi që ministri në detyrë i Financave, Hekuran Murati, ta mbajë fjalën për alokimin e mjeteve të votuara sot.

“Miratohen në Asamblenë e Kryeqytetit të hyrat e vitit 2024 në vlerë prej 28 milionë euro! Uroj që ministri në detyrë ta mbajë fjalën për alokimin e mjeteve të votuara sot. Si dhe 25M të hyra vetanake dhe 10M grant qeveritar, në total 35Milion që ende mbahen të bllokuara dhe që nuk kërkojnë asnjë procedurë në Asamble, por vetëm vullnetin e ministrit në detyrë për miratim”, tha Rama./Arbresh.info

LEXO EDHE:

Kuvendit Komunal i Prishtinës miraton bartjen e buxhetit 2024 në 2025