Kryetari i Komunës së Prishtinës, Përparim Rama ka kujtuar ish-presidentin e Kosovës, Ibrahim Rugovën në 18 vjetorin e vdekjes së tij.

Me anë të një postimi në Facebook, Rama ka thënë se Rugova ishte njeriu që vuri themelet e shtetit, teksa shton se ai ruajti gjithmonë shpresën për ndërtimin e një Kosove të pavarur, përcjell Arbresh.info.

Postimi i plotë:

Në 18 vjetorin e vdekjes, nderuam figurën e veçantë të popullit tonë, njeriun që vuri themelet e shtetit, paqësorin, presidentin historik Dr. Ibrahim Rugova.

Si një udhëheqës i mençur dhe i qetë, ai na udhëhoqi përmes sfidave të mëdha, duke ruajtur gjithmonë shpresën për ndërtimin e një Kosove të pavarur.

Vepra dhe kontributi i jashtëzakonshëm do të mbesin përgjithmonë në zemrat dhe mendjet tona./Arbresh.info