Kryeministri i Shqipërisë, Edi Rama tha se i qëndron mbrapa qëndrimit të tij për marrjen e veriut nën kontroll të plotë nga KFOR-i.

“E kam thënë unë dhe i qëndroj prapë, edhe herës tjetër”, tha Rama, kur u pyet për këtë.

“Marrja nën kontroll bëhet duke shtuar forcat”, tha ai, duke iu përgjigjur gazetares së A2CNN, e cila tha se ai e kishte modifikuar këtë qëndrim.“Nuk janë dy ide të ndryshme. Është e njëjta ide”, tha Rama.

Trupat e KFOR-it në Kosovë këtë vit janë shtuar për shkak të rritjes së tensioneve në veriun e Kosovës, ndërsa Sekretari i përgjithshëm i NATO-s, Jens Stoltenberg, ka paralajmëruar fillimisht në Prishtinë, gjatë një vizite më 20 nëntor, se NATO-ja do të shqyrtojë shtimin e përhershëm të forcave në Kosovë, për ta mbajtur situatën nën kontroll.

Lexo edhe:

Rama: Nëse Kosova do pranonte propozimin tim për Asociacionin, do kishte rezultat më të mirë