Dhomat e Specializuara të Kosovës kanë liruara ish-luftëtarin e Ushtrisë Çlirimtare të Kosovës dhe ish-kreun e OVL UÇK-së, Hysni Gucati, i cili gjatë ditës së martë ka arritur në Kosovë.

Një qytetar nga Prishtina për “Arbresh.info”,  tha se lirimit të tij i është gazuar mjaftë shumë.

Ndërsa disa qytetarë të tjerë shprehen se është mbajtur padrejtësisht në gjykatën e Hagës dhe presin që të lirohen edhe  ish-krerët tjerë të UÇK.

Ndryshe, më 12 tetor 2023, Kryetarja e Dhomave të Specializuara të Kosovës (DHSK), gjykatëse Ekaterina Trendafilova, vendosi të modifikojë dënimin e Hysni Gucati për lirimin e tij më 18 tetor 2023 ose rreth kësaj date, me kushtet e përcaktuara në vendim.

Këto kushte do të jenë në fuqi gjatë pjesës së mbetur të dënimit të dhënë nga Paneli i Gjykatës së Apelit, konkretisht për pjesën e mbetur të dënimit me katër vjet e tre muaj.

Kujtojmë se Specialja i shpalli fajtorë Hysni Gucatin dhe Nasim Haradinajn më 18 maj 2022 për pengim të administrimit të drejtësisë, duke i dënuar me nga katër vjet e gjysmë burgim dhe me një gjobë prej 100 eurosh./Arbresh.info/Edona Krasniqi/