Përmes një aksioni simbolit, aktivistë të PSD-së vendosën një pllakatë në oborrin e presidencës, duke e shpallur atë nën degë të Vetëvendosjes.

Pas këtij aksioni, ka reaguar zyra e Presidencës së Kosovës.

“Ushtruesja e detyrës së Presidentes së Kosovës, Vjosa Osmani sipas ligjit, obligohet të lëvizë me veturë të Policisë së Kosovës dhe nën mbrojtjen e saj 24 orëshe. As Presidentja e as stafi i saj nuk përdorin vetura të Presidencës. Të gjitha veturat e Presidencës, çdo ditë janë në parking, ndaj, pretendimet e PSD-së, janë të pavërteta dhe tendencioze”, thuhet ndër të tjera në reagim, shkruan arbresh.info.

Reagimi i plotë:

U.d. Presidentja e Kosovës, dr. Vjosa Osmani sipas ligjit, obligohet të lëvizë me veturë të Policisë së Kosovës dhe nën mbrojtjen e saj 24 orëshe.

As Presidentja e as stafi i saj nuk përdorin vetura të Presidencës.

Të gjitha veturat e Presidencës, çdo ditë janë në parking, ndaj, pretendimet e PSD-së, janë të pavërteta dhe tendencioze.

Rivaliteti politik nuk duhet të përdoret për diskreditim të institucioneve të shtetit.

Përgjegjësia që të ruhet integriteti i institucioneve shtetërore dhe drejtuesve të tyre është e të gjithëve.