Prokuroria Themelore në Pejë gjatë muajit shkurt sekuestroi vetura, armë e municion

09:16 | 21 Mars 2025
K.B

Prokuroria Themelore në Pejë, ka njoftuar se gjatë muajit shkurt ka sekuestruar vetura, kamion, armë, municion, armë të ftohta, telefona, dru, motor sharra, të cilat dyshohet të jenë përdorur apo përfituar përmes veprave penale.

Me kërkesë të prokurorit të shtetit, gjatë muajit shkurt janë sekuestruar dy vetura, një e tipit BMW, një Audi Q8 dhe një kamion Iveco, mjete këto të cilat dyshohet se janë përdorur apo përfituar nga veprat penale.

Gjithashtu, me kërkesë të prokurorit të shtetit, janë sekuestruar gjatë këtij muaji 9 armë zjarri të llojeve të ndryshme, 142 fishkë kalibër të ndryshëm dhe një thikë.

Tutje të sekuestruara janë edhe dy telefona mobil, tri sharra motorike dhe masë drusore 10.5³ metër, dru shkoze dhe breu./Arbresh.info/