Banorët e lagjes Mati 1 saktësisht në rrugën “Bedri Berisha” tash e një kohë nuk kanë pasur ujë.

Në adresën e portalit Arbresh.info, një qytetar është shprehur se nuk ka pasur informacione nëse do të ketë reduktime.

Lidhur me këtë, portali Arbresh.info ka kontaktuar Kompaninë Rajonale të Ujësjellësit “KRU Prishtina”.

Zëdhënësja e kësaj kompanie, Arjeta Mjeku tha se problemi ka qenë te niveli i ulët të ujit në kanalin e Ibër Lepencit.

Sipas saj, kjo ka filluar të stabilizohet.

Ajo ka shtuar se kërkesa e lartë për ujë po sjell vështirësi me furnizim normal.

“Deri në orët e vona kemi pasë probleme me nivelin e ulët të ujit në kanalin e Iber Lepencit, por tash ka filluar të stabilizohet edhe pse kërkesa e lartë për ujë po na sjellë vështirësi ne furnizim normal me ujë sidomos ne pikat e larta.”, tha ajo./Arbresh.info/