Në kuadër të projektit të financuar nga Zyra e Bashkimit Evropian “mbrojtja e të drejtave të njeriut në kohën digjitale”, një dokument hulumtimi që shqyrton praktikat e mbledhjes së informacionit gjatë zgjedhjeve dhe votimit si dhe shkeljet e mundshme të privatësisë do të prezantohet dhe diskutohet sot në një konferencë për media.

Përfaqësues të shoqërisë civile, autoriteteve publike dhe mediave, ndër të tjera do të flasin gjatë konferencës, e cila do të jetë një mundësi për të diskutuar se si të trajtohen shkeljet e privatësisë së votës dhe të të dhënave të votuesve.

Projekti ka për qëllim të sjellë së bashku organizatat e shoqërisë civile me qëllim të ngritjes së vetëdijes dhe kapaciteteve për mbrojtjen e të dhënave personale, të drejtave të privatësisë, lirisë së shprehjes dhe lirisë së mediave në Kosovë.