Gati në 700 ka mbërritur numri i dekoratave të ndara nga presidenti Hashim Thaçi.

Një numër të tillë, Presidenti Thaçi e ka mbërritur për tre vjet që është në postin e presidentit, ndërsa e dyta në listë, ish-presidentja Atifete Jahjaga, për 5 vjet kishte ndarë 550 dekorata, raport KTV.

Ish-presidenti Fatmir Sejdiu ishte njëri prej presidentëve më duarshtrënguar kur bëhet fjalë për dekorata.

Kjo nga analistët po shihet si një tentim i presidentit aktual që përveç tjerash, ta rrisë besueshmërinë ndaj tij.

E nga mbi 1500 dekorata që janë ndarë nga të gjithë presidentët e vendit, ka edhe personalitete që janë nderuar 3 herë me medalje të ndryshme.

Presidenca nuk është përgjigjur në pyetjen e dërguar për të kuptuar arsyetimet për ndarjen e disa prej dekoratave të fundit.