Presdentja uron festën: Kurban Bajrami është mundësi reflektimi mbi solidaritetin

08:32 | 28 Qershor 2023
K.B

Presidentja e vendit, Vjosa Osmani ka uruar festën e Kurban Bajramit.

E para e vendit tha se kjo festë është një mundësi reflektimi mbi solidaritetin e tolerancën.

“Kurban Bajrami është mundësi reflektimi mbi solidaritetin, sakrificën e tolerancën. Është mundësi për t’i çmuar lidhjet tona familjare dhe miqësore, si dhe për të zgjatur dorën e mirësisë ndaj atyre në nevojë”, ka shkruar ajo.

Osmani uroi gjithashtu që kjo festë të sjell begati në të gjitha familjet.

“Derisa sot mblidhemi së bashku për të festuar, le të kujtojmë frymën e unitetit dhe harmonisë që simbolizon kjo festë. Me shpresën që kjo festë të sjellë te ju, familjet dhe të afërmit tuaj të mira e begati, ju uroj edhe një herë me fat Kurban Bajramin”, ka shkruar ajo në Facebook./Arbresh.info/