Homazhe për nder të të ndjerit Bajram Rexhepi janë duke u zhvilluar në hollin e Kuvendit të Kosovës edhe për pak minuta.

Një numër i madh i qytetarëve dhe personaliteteve të rëndësishme në Kosovë kanë kaluar pranë arkivolit të ish-kryeministrit të ndjerë, shkruan Arbresh.info.

Po ashtu, një numër i madh i politikanëve dhe njerëzve me funksione të rëndësishme janë nënshkruar në librin e kujtimeve për këtë rast.

Në mesin e atyre që kanë shkruar deri më tani në këtë libër janë: Ramush Haradinaj, Avdullah Hoti, Shpend Ahmeti, Ismajl Kurteshi, Kadri Veseli, Lutfi Haziri, Melihate Tërmkolli, ish-kryeministri, Bajram Kosumi, ish-ministri, Bujar Dugolli, Sabri Hamiti, Ilir Deda e Fatmir Sjediu.

Varrimi i Bajram Rexhepit do të bëhet sot në ora 16:30 në varrezat e fshatit Shipol të Mitrovicës./arbresh.info.