Policia u bën thirrje shoferëve të kenë kujdes për shkak të kushteve atmosferike

23:56 | 5 Dhjetor 2021

Zëdhënësi i Policisë së Kosovës, Daut Hoxha, u ka bërë thirrje shoferëve të automjeteve që të tregojnë kujdes gjatë vozitjes këtyre ditëve për shkak të kushteve jo të mira atmosferike.

Ai për Klankosova.tv ka theksuar se policia është duke vazhduar angazhimet e saj në menaxhimin e trafikut rrugor.

“Kërkojmë nga pjesëmarrësit në trafik në veçanti nga drejtuesit e automjeteve që të jenë më vigjilent në vozitje, gjatë kësaj periudhe kur kemi edhe ndryshime atmosferike dhe vozitjen ta përshtatin me kushtet në rrugë”.

“Kërkojmë nga pjesëmarrësit në trafik të mos të drejtojnë automjetin në gjendje të lodhjes apo nën ndikimin e alkoolit sepse me këtë rrezikojnë jo vetëm jetën e tyre, por edhe pjesëmarrësit e tjerë në trafik”.

“Policia do të vazhdojë me angazhimet e saj në menaxhimin e trafikut rrugor dhe masa rigoroze ligjore do të ndërmerren ndaj të gjithë atyre që bien ndesh me ligjin në trafik”, ka thënë Hoxha.

Lajmet më të lexuara