Policia sekuestron një armë të tipit ”Zastava” kalibër 6.35 mm dhe një karikator në Prizren

15:38 | 2 Maj 2024
K.B

Policia e Kosovës ka sekuestruar një armë zjarri në Prizren.

Policia përmes një njoftimi për media, njofton se arma është e tipit ”Zastava” kalibër 6.35 mm dhe një karikator.

“I dyshuari pas përfundimit te procedurave me njësitin e antidrogës, në prezencë të avokatit mbrojtës është intervistuar i cili e ka pranuar se arma e zjarrit është e atij. Arma ishte në posedim pa leje adekuate nga organi kompetent, andaj me urdhër të prokurorit përgjegjës arma dhe municioni i gjetur janë sekuestruar”, thuhet në njoftim.

Në këtë rast nga Stacioni Policor Prizren janë filluar hetimet për veprën penale “Mbajtje në pronësi kontroll, posedim apo shfrytëzim i pa autorizuar i armës”.

Rasti procedohet në procedurë të rregullt ndërsa i dyshuari lirohet./Arbresh.info/