Policia realizon 32 urdhëresa të gjykatave gjatë javës së kaluar në rajonin e Ferizajt

14:48 | 10 Qershor 2024
E.G

Policia Rajonale e Ferizajt gjatë javës që shkoi nga data 03-09 qershor ka realizuar 32 urdhëresa të gjykatave kompetente për vepra të ndryshme penale.

“Policia Rajonale e Ferizajt do të vazhdojë edhe në ditët në vijim me realizimin e urdhëresave ndaj personave që ende nuk i janë përgjigjur thirrjes së gjykatës.”, thuhet në njoftim.

Ndër të tjera, policia u ka bërë thirrje qytetarëve për bashkëpunim me policinë lidhur me raste të tilla.

“Ftojmë qytetarët të bashkëpunojnë me policinë, nëse kanë informacione për personat që janë të kërkuar nga organet e rendit, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.”, thuhet tutje në njoftim./Arbresh.info/