Policia me plan për kontrollin e trafikut në Prishtinë, brenda 24 orëve shqiptoi afro 300 gjoba

11:13 | 15 Korrik 2025
E.H

Drejtoria e Policisë së Kryeqytetit njofton se po vazhdon aktivitetin e saj me detyra të rregullta dhe planet “Kontrolli i Shtuar i Trafikut në Kryeqytet” dhe “Parandalimi, reagimi dhe hetimi i veprave penale”.

Në njoftim thueht se nga njësitë e Drejtorisë së Policisë së Kryeqytetit brenda 24 orëve të fundit janë shqiptuar 282 gjoba, për kundërvajtje të ndryshme në trafik dhe janë konfiskuar 8 patentë shofer.

“Po ashtu, dy persona janë dërguar në mbajtje, ku njëri nga ta është arrestuar për “Mbajtje në pronësi, kontroll ose posedim të paautorizuar të armëve” dhe tjetri ishte me urdhër arrest. Drejtoria e Policisë së Kryeqytetit siguron qytetarët se do të vazhdojë me detyra të rregullta dhe plane operative, për ta rritur sigurinë në vend”, thuhet në njoftim./Arbresh.info