Policia e Kosovës ka konfirmuar për Arbresh.info se sot rreth orës 11:30 ka pranuar një raport për një incident të rëndë në rrugën “Garibaldi” në Prishtinë, ku një person ka rënë nga lartësia e një objekti.

Njësitet policore, bashkë me ekipet e emergjencës, kanë reaguar menjëherë dhe kanë dalë në vendin e ngjarjes. Mjekët emergjentë kanë konstatuar se viktima, një mashkull rreth moshës 25-vjeçare, ishte pa shenja jete në momentin kur është gjetur.

“Policia është duke ndërmarrë të gjitha veprimet e nevojshme hetimore për të sqaruar plotësisht rrethanat që karakterizojnë këtë rast”, thuhet në njoftimin zyrtar.

Ngjarja ka ndodhur në zonën e pasme të hotelit “Grand”, një objekt i njohur në qendër të Prishtinës, ku dyshohet se viktima ka qenë duke punuar në pastrimin e xhamave në momentin e incidentit.

Hetimet janë në zhvillim e sipër dhe pritet që autoritetet të japin më shumë detaje në orët në vijim.

Lexo edhe:

Ra nga kati i 13-të, viktima është një 25 vjeçar, i cili po pastronte xhamat e hotelit