Policia e Kosovës ka dhënë informacione më të detajuara rreth gjetjes së Remzije Mustafës, e cila ishte zhdukur që nga 7 nëntori.

Zëdhënësi i Policisë së Kosovës, Baki Kelani ka bërë të ditur se zonja Mustafa është gjetur në Prishtinë, në një podrum të një shtëpie në rrugën Sali Nivica.

Sipas tij, Mustafës i është dhënë ndihma e parë nga ekipi mjekësor.

“Policia e Kosovës, sot me 14 nëntor 2019 rreth orës 21:00,  pas një hetimi dhe kërkimi disa ditor, është arritur të gjendet personi Remzije Mustafa (1960), e cila ishte raportuar e zhdukur që nga data 06 nëntor 2019. Personi është gjetur në një podrum të një shtëpie në Rr. Sali Nivica në Prishtinë . Të njëjtës nga ekipet mjekësore i është dhënë ndihma e parë”, ka bërë të ditur Kelani.

Policia e Kosovës ka falënderuar qytetarët dhe mediat për ndihmën e dhënë rreth gjetjes së Mustafës.

“Policia e Kosovës përmes këtij njoftimi zyrtar, shfrytëzon rastin ti falenderojë familjarët dhe të gjithë qytetarët për bashkëpunimin e treguar, bashkëpunim ky i cili ka sjellur edhe deri tek gjetja e personit të raportuar si e zhdukur. Njëkohësisht Policia e Kosovës falenderon edhe mediat për dhënien e kontributit të tyre në raportim dhe plasim të informacioneve zyrtare tek opinioni i gjerë”, ka thënë Kelani./arbresh.info