Policia e Kosovës ka dhënë detaje në lidhje me vrasjen e djeshme në Mitrovicë.

Florim Zeqiri (45 vjeçar) i cili u plagos me 6 plumba, nuk mundi t’i mbijetonte plagëve, ku edhe ndërroi jetë në Shërbimin Spitalor Klinik Universitar të Kosovës (SHSKUK).

Policia në raport bën të ditur se i dyshuari për momentin i panjohur është ende në arrati, dhe se rasti është duke u hetuar.

“Mitrovicë Jugu 20.09.2024 – 09:40. Më datën, kohën dhe në lokacionin e lartcekur, një person i dyshuar për momentin i panjohur, kishte shtënë me armë zjarri në drejtim të viktimës mashkull dhe ishte larguar në drejtim të panjohur. Viktima pasi që ishte qëlluar me armë ishte dërguar në spitalin rajonal e pastaj ishte përcjell në QKUK, mirëpo rreth orës 12:00 viktima kishte ndërruar jetë. Në vendin e ngjarjes kanë dalë njësitë përkatëse policore, si dhe prokurori i shtetit ku janë gjetur dhe sekuestruar 6 (gjashtë) gëzhoja. Rasti është duke u hetuar”, thuhet në raport.

Në vendin e ngjarjes janë gjetur dhe sekuestruar gjashtë gëzhoja si prova materiale./Arbresh.info/

LEXO EDHE:

Ky është Florim Zeqiri, personi që u qëllua për vdekje sot në Mitrovicë

Ky është Florim Zeqiri, personi që u qëllua për vdekje sot në Mitrovicë

“U qëllua me 6 plumba prapa shpinës”, detaje për incidentin e rëndë në Mitrovicë

Plagoset një person në Mitrovicë