Hetuesit policorë nga Sektori për Hetimin e Krimeve Ekonomike kanë realizuar sot një operacion policorë ku kanë kontrolluar shtatë barnatore në Prishtinë dhe kanë arrestuar dy persona.

Siç thuhet në njoftim, në dy barnatore janë zbuluar sasi e madhe e barnave pa banderola, që dyshohet se janë kontrabanduar dhe ishin të fshehura në një vend në formë të bunkerit.

“Sot, më 16.03.2023, hetuesit policorë në bashkëpunim me Inspektorët Farmaceutik të Ministrisë së Shëndetësisë kanë ndërmarrë veprime në teren ku janë kontrolluar shtatë (7) barnatore në kryeqytet. Gjatë kontrollimit në dy barnatore është zbuluar sasi e madhe e barnave pa banderola që dyshohet se janë kontrabanduar. Këto barna ishin të fshehura në pjesë shtesë të lokalit të rregulluar enkas për fshehjen e tyre (në formë të bunkerit)”, thuhet në njoftim.

Ekipet policore, inspektorët farmaceutik dhe ekipet nga dogana kanë bërë numërimin e llojit të produkteve të barnave nga ku ka rezultuar se janë sekuestruar 598 lloje të produkteve, kurse sasia e barnave brenda një produkti është më e madhe dhe ka mbetur të numërohen dhe evidentohen nga njësitet përkatëse.

Në polici, janë shoqëruar dy persona të dyshuar, pronarë të barnatoreve, të cilët janë intervistuar në prezencën e avokatit të tyre mbrojtës, ndaj tyre janë iniciuar rastet: ’prodhimi dhe shpërndarja e produkteve të dëmshme mjekësore’, ‘kontrabandim i mallrave’ dhe “tregtia e ndaluar” dhe me aktvendim nga prokuroi të njëjtit dërgohen në mbajtje deri në 48 orë./arbresh.info/

Lexo edhe:

Aksion i Policisë në disa barnatore në Prishtinë, zbulohen bunkerë me barna, arrestohen dy të dyshuar