Policia e Kosovës ka dhënë detaje rreth aksidentit që ndodhi sot në rrugën Prishtinë-Gjilan.

Sipas policisë, në këtë aksident, një person ka pësuar lëndime dhe është dërguar për tretman mjekësor.

Rasti sipas policisë dhënë në një përgjigje për arbresh.info ka ndodhur rreth orës 17:40 në fshatin Parallovë.

“Lidhur me kërkesën tuaj ju informojmë se, me datë 31.08.2020 rreth orës 17:40 ne magjistralen “Gjilan – Prishtine”, konkretisht ne fshatin Parallovë ka ndodhur një aksident trafiku mes dy veturave. Si pasoje e këtij aksidenti lëndime trupore ka pësuar një person, i cili ka pranuar tretman mjekësor. Ne vendngjarje kanë dalur njësite përkatëse të cilat e kanë trajtuar rastin”, ka bërë të ditur për arbresh.info  zyra për media e Policisë së Kosovës./arbresh.info/

LEXO EDHE:

Aksident trafiku në rrugën Prishtinë-Gjilan