Drejtoria Rajonale e Policisë në Gjakovë, me rastin e Ditës Ndërkombëtare të Gruas – 8 Marsin, i ka dërguar lule nënës Ferdonije Qerkezit, si shenjë respekti dhe mirënjohjeje.

Po ashtu, policia ka shpërndarë lule edhe për mjeket dhe nënat që janë takuar gjatë patrullimeve në rrugë, duke i falënderuar për rolin e rëndësishëm që ato luajnë në shoqëri.

“Në kuadër të këtij aktiviteti, zyrtarët e Drejtorisë Rajonale të Policisë në Gjakovë shpërndanë lule për qytetaret, gratë dhe vajzat, duke i uruar ato për festën e 8 Marsit. Në këtë ditë të veçantë, Drejtoria Rajonale e Policisë në Gjakovë shpreh urimet më të përzemërta për të gjitha gratë dhe vajzat: “Gëzuar 8 Marsin! Ju jeni zëri i frymëzimit, i shpresës dhe i ndryshimit në botë. Urojmë që kjo ditë të sjellë lumturi, shëndet dhe suksese për ju dhe familjet tuaja”, thuhet në njoftim./Arbresh.info