Policia e Kosovës, Rajoni i Prishtinës ka konfirmuar lajmin për vdekjen e policit, Alban Tolaj, duke mos përjashtuar mundësinë e veprës vetëvrasje.

Zëdhënësi i Policisë së Kosovës për Rajonin e Prishtinës, Agroni Borovci për Arbresh.info tha se përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike.

Sipas tij, rasti ka ndodhur sot rreth orës 14:45 në “Ahmet Korenica” në Prishtinë.

Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor. Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, tha Borovci.

Policia e Kosovës shpreh ngushëllimet më të thella për familjen, kolegët dhe miqtë e zyrtarit të ndjerë./Arbresh.info/

LEXO EDHE

Dyshohet për vetëvrasje të një polici të Kosovës