Në Orët e vona të së shtunës, Policia e Kosovës ka arrestuar tre persona me pozitë zyrtare të dyshuar për marrje ryshfeti dhe keqpërdorim të pozitës zyrtare, shkruan arbresh.info.

Një ndër personat e arrestuar sot është edhe zëvendësministrin e Zhvillimit Rajonal, Musa Cena.

Policia e Kosovës ka konfirmuar lajmi për portalin arbresh.info.

Zëdhënësi i Policisë, Daut Hoxha ka thënë se sot janë arrestuar tre persona për marrje me ryshfet apo keqpërdorim të pozitës zyrtare.

“Ju informoj se me datë 20.10.2018 Policia e Kosovës pas ndërmarrjes se veprimeve hetimore ka kryer arrestimin e tre personave të dyshuar te involvuar në veprat penale Marrje e Rryshfetit dhe Keqpërdorim i Pozitës apo autoritetit Zyrtar sipas kodit penal te Republikes se Kosoves. Te dyshuarit duke vepruar ne bashkryerje dyshohet se kane marre ryshfet nga pala e dëmtuar. Te gjitha veprimet tjera policore do te ndërmerren konform autorizimeve dhe rekomandimeve te organeve kompetente te drejtësisë”, ka thënë Hoxha.

Po ashtu lajmin për arrestimin e zëvendësministrit e ka konfirmuar edhe  Kryeprokurori i Prokurorisë Themelore në Prishtinë, Imer Beka.

“Mund të konfirmojë se me urdhër të prokurorit të rastit, Kujtim Munishi jam informuar se policia ka arrestuar zv/ministrin e Zhvillimit Rajonal, Musa Cena dhe dy të dyshuar tjerë për veprën penale ‘keqpërdorim të detyrës zyrtare’ dhe ‘marrje të ryshfetit’. Të dyshuarit janë ndaluar për 48 orë dhe ndaj të njëjtëve nesër vendoset a do të shkohet me kërkesë për caktim të paraburgimit si masë e sigurisë së prezencës së të dyshuarve në procedurë hetimore”, ka thënë Beka për Indeksonline.

Kujtojmë se ministër i Zhvillimit Rajonal është Rasim Demiri./Arbresh.info/