Policia e Kosovës ka njoftuar se ka arrestuar të dyshuarin e katërt për kryerje të veprës penale “vrasje në tentativë” më 6 maj në fshatin Mamushë të Prizrenit.

Sipas njoftimit të Policisë të dyshuarit 49 vjeçar, A.B i është gjetur dhe më pas sekuestruar një armë e modelit Ekol Jackal dhe një karikator si dëshmi materiale.

“Me datën 22.05.2023, rreth orës 13:00 , nga ana e policeve hetueseve te Sektorit Rajonal te hetimeve te DRP te Prizrenit është identifikuar ,është lokalizuar vendqëndrimi i tije dhe është arrestuar i dyshuari A.B. ( 49 vjeçar ) ,për te cilin ekziston dyshimi i arsyeshëm per kryerje te veprës “ Vrasje ne Tentative “ me date 06.05.2023 te ndodhur ne fshatin Mamushe.”, njofton Policia.

“Te dyshuarit A.B. i eshtre gjetur ne posedim dhe me pas është sekuestruar nga krim tekniku ne cilësinë e dëshmisë materiale një armë zjarri; Pistolete model EKOL JACKAL dhe nje karikator.”, thuhet në njoftim.

Siç njofton Policia, të dyshuarit A.B, me aktvendim të Prokurorit i është caktuar masa e ndalimit prej 48 orësh dhe kundër tij është ngritur kallëzim penal.

https://www.facebook.com/photo.php?fbid=543184408021822&set=a.213313687675564&type=3