Një person i mitur, shtetas i Serbisë, është arrestuar nga Policia e Kosovës në fshatin Seqishtë të Hanit të Elezit, pasi është kapur duke përcjellë pesë shtetas kinez në drejtim të Maqedonisë së Veriut.

Sipas policisë, shtetasit kinez dyshohet se kishin hyrë ilegalisht në Kosovë nga Serbia dhe po tentonin të kalonin më tej drejt RMV-së.

Pesë shtetasit kinezë janë kthyer në Serbi nëpërmjet procedurës së depërtimit.

“Fsh. Seqishtë, Hani i Elezit 21.10.2025 – 20:20. Është arrestuar i dyshuari i mitur -shtetas i Serbisë, pasi i njëjti nga njësitet policore është ndaluar derisa ishte duke përcjellë pesë shtetas kinez në drejtim të RMV-së, të cilët dyshohet se kishin kaluar kundërligjshëm kufirin nga Serbia në territorin e Republikës së Kosovës, për të vazhduar në drejtim të RMV-së. Me vendim të prokurorit i dyshuari pas intervistimit është dërguar në mbajtje për 24-orë, ndërsa 5 shtetasit kinezë janë kthyer-depërtuar në Serbi”, thuhet në raport./Arbresh.info