Të shtëna me armë në lagjen “Dardania” në Prishtinë, pasagjeri e plagos taksistin

20:33 | 21 Shkurt 2025
R J

Një plagosje me armë zjarri ka ndodhur para pak çastesh në lagjen “Dardania” në Prishtinë.

Sipas pamjeve të siguruara nga portali Arbresh.info, shihet se në vendin e ngjarjes janë organet e rendit.

Sipas dëshmitarëve, një taksist është plagosur nga pasagjerët, pas një mosmarrëveshjeje.

Lidhur me këtë ka dhënë detaje dhe zëdhënësja e policisë për Rajonin e Prishtinës, Flora Ahmeti.

Ahmeti tha se personi i plagosur është mashkull dhe i njëjti është dërguar për tretman mjekësor.

“Njësitet policore menjëherë kanë dalë në vendin e ngjarjes, nga ku është raportuar se një person është plagosur. Personi i plagosur, (mashkull), është dërguar për trajtim mjekësor, ndërkohë policia ka nisur një hetim lidhur me rrethanat e këtij rasti”. tha Ahmeti për Arbresh.info