Plaçkitet kisha katolike në Ulpianë

16:19 | 25 Janar 2016
M. A.

Kisha katolike “Shën Ndou” në Ulpianë është plaçkitur në orët e para të mëngjesit të së hënës. Këtë e ka konfirmuar për Gazetën Express, famullitari Don Rrok Gjolleshaj dhe Policia e Kosovës.

Vjedhja mendohet të jetë gjatë natës dhe askush nuk kishte dalë në vendin e ngjarjes deri në mëngjes kur u vërejt se ishte kryer plaçkitja.

“Plaçkitja është bërë gjatë natës, ne e kemi vërejtur që diçka nuk është në rregull gjatë orës 09:00 të mëngjesit kur kemi ardhur për ta hapur kishën”, tregoi për Gazetën Express famullitari Don Rrok Gjolleshaj.

Ndërkaq zëdhënësja e Policisë së Kosovës për Rajonin e Prishtinës, Flora Ahmeti, tha se janë duke e hetuar rastin.

“Ne jemi informuar në orën 09:00 të mëngjesit ku menjëherë kemi dal në vendin e ngjarjes. Në këtë kish është bërë një vjedhje e rëndë, ku jemi duke u marrë me rastin” tha Ahmeti.