Përkujtohet përfundimi i armiqësive në Luftën e Parë Botërore

14:29 | 11 Nëntor 2025
E.G

Franca dhe Gjermania, çdo vit të përfaqësuara nga ambasadorët e tyre, Olivier Guérot dhe Rainer Rudolph, përkujtojnë së bashku Armëpushimin e 11 nëntorit 1918, i cili i dha fund armiqësive në Luftën e Parë Botërore.

Kjo ceremoni e përbashkët, e kushtuar nderimit të kujtimit të ushtarëve të rënë, përfaqëson një simbol të thellë të pajtimit franko-gjerman dhe të angazhimit të përbashkët për paqe.

“Ish-armiqtë bashkohen tani për të nderuar guximin e ushtarëve të tyre dhe për të njohur vuajtjet e mëdha që kanë përjetuar popujt e tyre. Është pikërisht ky shpirt i qëndrueshëm pajtimi që vazhdon të udhëheqë dhe të forcojë partneritetin franko-gjerman, i orientuar me vendosmëri drejt një të ardhmeje të përbashkët”, thuhet në njoftim të dy ambasadave.