Rreth orës 20:00 në Bruksel, ka përfunduar dita e parë e bisedimeve në mes Prishtinës dhe Beogradit.

Temë kryesore e këtij takimi ka qenë zbatimi i marrëveshjes për lirinë e lëvizjes dhe çështja e përdorimit të targave të automjeteve nga Kosova, transmeton Indeksonline.

Pjesëmarrësit e këtij takimi nuk kanë dashur t’i publikojnë detajet e bisedimeve të sotme.

Pritet që nesër në vazhdën e bisedimeve temë të jenë katastri, njohja e diplomave dhe çështja kryesore e formimit të komunave serbe.

Në ditën e fundit të bisedimeve të cilat do të mbahen të premten, delegacionet e Prishtinës dhe Beogradit të ndërmjetësuara nga BE-ja, do të diskutojnë demarkacionin e pjesës jugore dhe veriore të Mitrovicës.

Gjatë tre ditëve të bisedimeve ky delegacion udhëhiqet nga drejtori i Zyrës për Kosovë, Marko Gjuriq dhe dhe nga ministra për dialog Edita Tahiri.