Në çdo sezon të vitit, çantat shfaqen si një aksesor thelbësor që shton stilin dhe elegancën në pamjen tuaj.

18-vjecarja, Sara Krasniqi një vajzë e cila pasionin dhe talentin e saj artistik e shpreh në thurjen e çantave me perla, duke treguar përsosmërinë midis elegancës dhe të qenurit unike.

Inspirimin e saj, Sara e ka gjetur tek dizajnerat e modës, të cilët kanë përdorur perla në veshjet e tyre, dhe ndryshe ajo ka dashur që krijimtarinë përmes perlave, ta zhvillojë dhe më tej.

“Unë studioj dizajnë mode dhe në vazhdimësi duke i parë dizajnerët duke i përdorë perlat në veshje është e pamundur mos me të ardh ideja që edhe t’i me kriju diçka me perla”, thotë ajo.

Ajo thotë se interesimi më i madh për këto çanta është në sezonin e verës.

“Klientët e preferojnë ngjyrën e bardh dhe të zezën, çanta më unike janë atonë formë katrorë e punuar për një kliente nga Holanda. Çmimet varën nga madhësia dhe lloji i materialit. Në sezonin e verës ka më shumë kërkesa pasi janë sezonet e dasmave dhe mbrëmjet e maturës”, thotë Krasniqi./Arbresh.info/ Rita Jakupi/