Pensionohet kryetari i Gjykatës Themelore në Prizren

12:01 | 18 Qershor 2020

Kreu i Gjykatës Themelore në Prizren, Ymer Hoxha pritet të dal në pension.

Lajmin e ka bërë të ditur vetë kryetari Hoxha përmes një e-maili të dërguar mediave.

Ai, ka falënderuar të gjithë për bashkëpunimin e ka treguar se pensionohet fillim të korrikut.

“Ju informoj se nga data 03.07.2020, e përfundoj mandatin si Kryetar i Gjykatës për shkak të shkuarjes në pension. Punuam së bashku dhe bashkëpunuam në forma të ndryshme, u munduam të bëjmë më të mirën për vendin tonë për sundimin e Ligjit dhe të Drejtësisë”, ka shkruar Hoxha./arbresh.info

Letra e plotë:

NJOFTIM – FALËNDERIMI

Ju informoj se nga data 03.07.2020, e përfundoj mandatin si Kryetar i Gjykatës për shkak të shkuarjes në pension.

Punuam së bashku dhe bashkëpunuam në forma të ndryshme, u munduam të bëjmë më të mirën për vendin tonë për sundimin e Ligjit dhe të Drejtësisë.

Më lejoni t’iu përshëndes dhe falënderoj nga zemra për përkrahjen dhe respektin.

Ju dëshiroj shëndet të mirë, dhe suksese në punën e mëtejme.

Jam krenar që isha pjesë e bashkëpunimit me ju.

Lajmet më të lexuara