Nëna e të ndjerës Diana Kastrati, e vrarë në Prishtinë vite më parë nga ish-burri i saj, i cili është ende në kërkim, ka bërë një shkrim prekës në Facebook, pas pllakatës së vënë në kryeqytet me emrin e të bijës së saj të ndjerë.

Emri i Dianës dhe i Zejnepe Bytyqit, që të dy gra të vrara nga burrat e tyre, për dhunën ndaj të cilave shteti ishte paralajmëruar, por nuk kishte vepruar, janë vendour në dy prej billbordeve të kryeqytetit, afër monumentit Newborn.

Nëna e Dianës, Makfire Kastrati ka shkruar në facebook se nuk kishte besuar që mund ta kalonte posterin me emrin e Dianës në qytet pa e vënë re.

Shkrimi i plotë:

Nuk e kisha besu qe mund ta kaloj fotografin me emrin tend ne qytet e mos te ve re.
Kur ishe e vogel enderroja se si do te dukesh e madhe, kur rregulloja flokt tua te bukura e te gjata, mendoja qka do te behesh kur te rritesh.
Kur te veja ne gjume, lutesha tek Zoti te kujdeset per ty, te fal fatin e mire.
Mua, nones Diane, sot me ndodhi te kaloj tek fotoja jote ne qytet, qe kishin vendos vajzat e qytetit per kampanjen “EDHE SA THIRRJE TE HUMBURA” me emrin tend DIANA KASTRATI dhe mos ta vej re.
Nona kame enderruar gjerat me te bukura per ty, e nona mbet pa ty ne moshen tende me te mire. Ti doje te ishe e famshme, po ndryshe. Ti besoje qe emri yt eshte i madh, e emri yt u be sinonim i dhunes ne familje, i mentalitetit tone te poshter, i vrasjes se gruas.
Diana, ti bashk me Zejnepen e gra tjera, ju morre jeta nga ata qe ju dhate femijet, nga ata qe ish dashur te ju duan.
Qika jeme, Diana, emrin tend nuk po e lejojn te harrohet qikat e qytetit.