Lidhja Demokratike e Kosovës ka reaguar pas miratimit të ligjit për Këshillin e Pavarur të Mediave dhe Këshillin Prokurorial të Kosovës, sot në Kuvendin e Kosovës
Sipas LDK-së, miratimi i këtyre ligjeve shpërfaqin ‘tendencën e kapjes kundërkushtetuese të institucioneve të pavarura të Republikës së Kosovës’, teksa kanë paralajmëruar se do t’i dërgojnë në Gjykatën Kushtetuese, përcjell Arbresh.info.
“Kjo praktikë, tanimë e konfirmuar me aktvendimet e Gjykatës Kushtetuese, është vazhdimësi e përpjekjeve të vazhduara populliste të Albin Kurtit për hartimin e ligjeve që nuk respektojnë ekuilibrin demokratik në vend, sikurse dhe ndarjen e roleve të institucioneve të pavarura brenda Kosovës”, thuhet në reagim.
Mes tjerash, në reagim thuhet se mospërputhja me direktivat e Bashkimit Evropian, e të dy ligjeve në fjalë, sipas LDK-së, është shmangie vlerore e orientimit tonë euro-atlantik, një praktikë tashmë e zakontë e pushtetit popullist që udhëhiqet nën logjikën e të majtës ekstreme.
“LDK-ja as nuk pranon e as nuk toleron tendencën e kapjes së drejtësisë dhe të mediave. Demokracia si vlerë e si praktikë, për ekstremistët e majtë mund të jetë e rëndë, por për Republikën e Kosovës është e shenjtë. Prandaj, që nga sot, ekipet tona punuese, kanë nisur hartimin e lëndëve përkatëse për Gjykatën Kushtetuese, me bindjen e plotë, se sikurse në dhjetë rastet e kaluara kundërkushtetuese edhe dy ligjet e sotme do të marrin të njëjtin përfundim”, thuhet në njoftim.
“Fatkeqësisht për vendin, humbja e kohës për të pasur një reformë të denjë e thelbësore në drejtësi, mbetet e parikuperuar. Ky pushtet, po i përfundon të katër vite qeverisje, në përpjekje antikushtetuese të kapjes së institutioneve, pa ndonjë rezultat konkret e pa ndonjë zhvillim thelbësor në asnjë fushë”, thuhet në fund të reagimit./Arbresh.info
Sulmi izraelit vret shefin e inteligjencës së forcave të arm...
Irani nis fazën e katërt të operacionit kundër Izraelit
Gjermania, Franca dhe Britania e Madhe janë të gatshme për b...
Seb Ponari përfundon udhëtimin me vrap nga Anglia në Shqipër...
Diçka që nuk është parë më herët, Barcelona bën një ‘kërkesë...
Ushtria izraelite kryen sulme ndaj objektivave ushtarake në ...