Në Prishtinë u shënua 33-vjetori i themelimit të Partisë Shqiptare Demokristiane të Kosovës. Kjo parti u krijua më 4 nëntor 1990, në rrethana shumë të vështira në atë kohë për Kosovën.

Partia Shqiptare Demokristiane festoi 33-vjetorin e themelimit. Kjo parti ndër vite kontribuoi për Kosovën dhe çështjen e saj.

Kryetari i PSHDK-së, Zef Morina, tha se rrugëtimi i partisë përgjatë viteve të ekzistencës, ka qenë sfidues pasi partia u themelua në kohën më të vështirë gjatë okupimit serb.

Përveç sfidues, kontributi i kësaj partie sipas të pranishmëve, ishte i madh dhe vendimtar në histori, si domosdoshmëri kombëtare te ekzistencës se popullit shqiptar të Kosovës.

Në festimin e 33-vjetorit të Partisë Shqiptare Demokristiane të Kosovës u ndanë edhe mirënjohje për të gjithë ata që kontribuuan përgjatë viteve të ekzistencës së kësaj partie.