Parandalohet një rast i kontrabandës në Leposaviq, konfiskohet mish derri e dele

19:20 | 4 Qershor 2023

Policia e Kosovës në bashkëpunim me Njësinë për Ndërhyrjen e Shpejtë ka gjetur dhe konfiskuar katër paketa me mish derri dhe dele në një automjet në fshatin Koshuticë të Leposaviqit.

Në njoftim thuhet se drejtuesi i automjetit Golf me ngjyrë të bardh kishte vendosur firmën TAXI sipër.

I dyshuari, dyshohet se kishte hyrë në territorin e Republikës së Kosovës nga Serbia duke përdorur rrugë e cila nuk është e autorizuar për kalim kufitar.

“Lidhur me rastin është kontaktuar Prokurori i Shtetit i cili ka urdhëruar që në procedurë të rregullt të iniciohet rasti për “Kontrabandim me mallera” dhe “Kalim i paautorizuar i vendkalimeve kufitare apo i vijës kufitare” ndërsa automjeti dhe malli konfiskohen dhe dërgohen në terminalin doganor për procedura të mëtejme ligjore”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm