Nën organizimin e Federatës Sindikale te Sektorit Privat te Kosovës shoqata e autobusëve të Mitrovicës dhe Vushtrrisë kanë protestuar para Ministrisë së Infrastrukturës për mos krijimin e kushteve për punë.

Ankesa kryesore e tyre ishte puna ilegale e kombi busëve në regjionin Mitrovicë-Vushtrri.

Kryetari i Shoqatës së Autobusëve të Mitrovicës dhe Vushtrrisë, Avni Boletini, tha se janë të detyruar t’i paguajnë taksa shtetit, ndërsa kombi busët ilegalisht i marrin të gjithë udhëtarët.

“Nuk po kërkojmë asgjë përveç asaj që na takon me ligj. Ne po paguajmë taksa, po paguajmë për rend dite, po paguajmë licencim, regjistrim, e në fund ata që punojnë ilegalisht që 21 vjet pa i pagu asnjë cent shtetit përfitojnë”, tha ai.

Pronarët e kompanive të autobusëve paralajmëruan bllokimin e autostradave e rrugëve të tjera nëse kërkesa e tyre s’merret parasysh./arbresh.info/